ساحر مغمور

من البيت ابو اربع حيطان للبير...كل يوم...لدرجة انك لو غمضتلها عنيها رجلها هتوديها
كل يوم تروح تملى المياة من البير الغويييييييييط اللى ملوش قراار ....وتبص فية...وتتنمى حاجة واحدة
انها تشوف نفسها على وش المياة.......بس كالعادة كانت بترجع من غير ما امنيتها تتحقق
و من كتر ما كانت بتحلم بدة ...و فى يوم مكنش عادى...راحت البير..ملت المياة ..وبتبص كالعادة....لقيت وشها فى المياة
قالت اكيد دة حلم
لا مش حلم
رد وقالها كدة
قالت:ازاى البير غويط جدا صعب اشوف نفسى فية؟
قالها:علشان كدة اتخلق السحر
قالت :اية دة انت ساحر
قالها:ومستعد اغيرلك حياتك
قالت:بس انا مشفتكش قبل كدة
قال:انا اصلى ساحر مغمور.....مستعدة لسحرى
قالت:بس اوعدنى متسبنيش
قالها : اوعدك هبقى معاكى يلا مستعدة؟
مفكرتش كتير
اة
بلا بلا بلا
لقيت نفسها زى ما هى ومتغيرتش...جات تروح لقيت سكتها تاهت
مش لقيا بيتها ابو اربع حيطان....قعدت تتخبط فى الطريق كتير
تقابل حفر وتطلع منها
ووحوش تبقى عايزة تكلها
ومخاطر كتيرررر
ومن كتر التعب سندت على شجرة الاحلام اللى علطول اتحركت من مكنها وفتحت سكة لمكان.....
جميل,وصوت عصافير وورد اشكال والوان ..وبحر كبير لما تبص فية تشوف نفسها
مكان مفيهوش حيطان
و الغريب ان صاحبنا الساحر المغمور مرجعش تانى
والاغرب انها ديما كانت بتتسال هو فين بس عمرها مفكرت تدور علية
فى ناس بيظهروا فى حيتنا لمدة قليلة
بيغيروا مصيرها ...مش لازم زى ماحنا متخيلين
بس بيغيروا طريقة تفكرنا
بيورونا نفسنا
مش لازم يبقوا مهمين....ولا موجودين
بس مؤثرين....متسقلش ولا تستهتر بحد
جايز يبقى هو ساحرك المغمور