by Merna Rammzy on Tuesday, January 3, 2012 at 4:10pm
هوايتها كات غريبة حبتين كانت بتحب ترسم بالحبر الاسود....اخترت النيل لانها لما بتبصلة بترمى فى همومها......وبرضة قررت قبل ماتحط نقطة على الورق انها تٌسقط اعتبارات كتيرة زى الواقع والخيال ...المكان والزمان....الحب والكراهية....الناس وارائهم.....وبدات
- رجل اللاة بملابس مهلهلة و شعر واقف من الوهلة الاولى تحس ان حد مكهربة علشان بيقول لاة....(حد).....وعلى وشة هم وفى بقة سيجارة مع كل نفس منها بيقول لا....على اية؟؟
-بنت شكلها مش اوى....عادية ...ماشية بتطنطط فى الشارع بخفة...والدنيا بتمطر عليها وهى شايفة ان دة مطر ورد لونة وردى ...وردى لونة ورد ...وعينيها فيها لمعة بتقول بتحدى ...مفيش بنت وحشة
-ناس بتتخاق..وناس مش سامعة غير صوتها...رايحة بينا على فين...ومين اللى هيسوق .....زحمة اوى...خنقة...وصوت اعلى تحس جنبة انهم خرس.......ونونو صغنون بيضحك عارف ان بكرة مش وحش وانة لازم يضحك لان دة النور الوحيد اللى مبينطفيش
-الصراع الازلى اللى مفيش حل لية.....هتلاقيهم ماسكين شعر بعض وبينتفوا فية وصوتهم جايب لاخر الدنيا ....الجولة هتنتهى لصالح مين؟؟ القلب ولا العقل...تكاد لا تفرق بينهم وهما الاتنين صوتهم عالى وماسكين رقاب بعض و فى الوقت دة بيبقى الحل الوحيد لا قلب ولا عقل....بس بقى متقرفوناش
زى كل مرة ...القلم دة لازم بجد يتغير...الحبر كلة وقع على الورقة...بقت سودا...بس لسة في نيل ولسة فى قلم ولسة فى قهوة...لسة فى ورق فاضى
ليست هناك تعليقات:
إرسال تعليق