النور قطع...بس من حسن الحظ ان كان فى فرح تحت....طلع البلكونة علشان يقعد فى نور القمر
قد اية نور القمر بيفكرة بالنور التانى اللى سابتهولة فى قلبة.....قرر انة يسمح لدوشة الناس انها ندخل تونسة وتغطى على صوت الخوف.......اللى ملوش صوت
اة لو كانت هى موجودة.....مكانش هيبقى فى اى صوت غير صوتها
لمح خيال واحدة فى البلكونة اللى جنبة اللى اساسا مفيهاش حد ساكن من شهر...من اول معزل وسكن هنا
عزل من بيتة القديم يمكن يقدر يلاقى مكان جديد يحضنة ويدفية من بعدها
لا دة مش خيال بس وفى صوت كمان.......هلاوس الضلمة والخوف..والفراق تعمل اكتر من كدة
النور جة واختفى الخيال...بس لسة جواة ضلمة
دخل سريرة ومسك صورتها وحضنها اوى يمكن يحس بالامان.....وشد الغطاء علية واستخبى وافتكر حدوتة من حودتها ونام
طلع البلكوة يصبح على الشمس م بدرى زى ما هى علمتة...خيوط الشمس لو وصلت قلبة هتغزل احلى نور مينطفيش ابدا....رفع عينة للسماء وقعد يكلمها..وواثق ان الهواء هينقلها كلامة
لو كنتى موجودة دلوقتى كنت حسيت بطعم الدنيا
هى وحشاك للدرجة دى
بص نحية الصوت لقى مصدرة نفس الخيال فى البلكونة اللى جنبة
انت مش بترد عليا لية
انتى مين
هتفرق اية..قولى لية قاعد بتكلم نفسك
لا انا بكلمها
وهى سمعاك؟
مش عارف بس انا متاكد انها هترجع
علشان تجرحك تانى ....فى غيرها يتمنى ربع حبك
بس انا بحبها
حافظ على كرامتك ورجولتك واجرحها قبل ماتجرحك
اجرحها؟؟؟؟
كدة وكدة...دفاع عن نفس يعنى
وهكلم مين من بعدها
وانا رحت فين
الصبح بدرى كانت وصلت....منورة زى ماهى من جوة و من برة....مستعدة لليوم دة من زمان
فتحت باب الشقة الجديدة...قعدت على الكرسى اللى كان جيبهولها فى عيد جوازهم...كانت شيلاة من زمان علشان اليوم دة....
فجاءة شافت خيال فى البلكونة....هة دة البلونة الهيليوم اللى على شكل قلب
يا رب تعجبة والشقة كمان تعجبة......هو بيحب المفاجاءات
فتحت جرنال امبارح...نسيت تقراة من لهفتها علية
شاب فى الثلاثين من عمرة يقفز من بلكونة منزلة بدون اى اسباب واضحة وبعد التحقيق وجد انة حاول الوصول الى بلكونة الشقة المجاورة
بصت فى الصورة......كان هو
ساعات بنجرح علشان خايفين نتجرح
ونبقى فكرين ان دة اداة دفاع عن نفسنا
بس فى الحقيقة احنا بناذى نفسنا واللى بنحبهم
متفكرش كتير.....لما يجى الجرح ابقى داوية
متبوظش انهاردة علشان هواجس بكرة
قد اية نور القمر بيفكرة بالنور التانى اللى سابتهولة فى قلبة.....قرر انة يسمح لدوشة الناس انها ندخل تونسة وتغطى على صوت الخوف.......اللى ملوش صوت
اة لو كانت هى موجودة.....مكانش هيبقى فى اى صوت غير صوتها
لمح خيال واحدة فى البلكونة اللى جنبة اللى اساسا مفيهاش حد ساكن من شهر...من اول معزل وسكن هنا
عزل من بيتة القديم يمكن يقدر يلاقى مكان جديد يحضنة ويدفية من بعدها
لا دة مش خيال بس وفى صوت كمان.......هلاوس الضلمة والخوف..والفراق تعمل اكتر من كدة
النور جة واختفى الخيال...بس لسة جواة ضلمة
دخل سريرة ومسك صورتها وحضنها اوى يمكن يحس بالامان.....وشد الغطاء علية واستخبى وافتكر حدوتة من حودتها ونام
طلع البلكوة يصبح على الشمس م بدرى زى ما هى علمتة...خيوط الشمس لو وصلت قلبة هتغزل احلى نور مينطفيش ابدا....رفع عينة للسماء وقعد يكلمها..وواثق ان الهواء هينقلها كلامة
لو كنتى موجودة دلوقتى كنت حسيت بطعم الدنيا
هى وحشاك للدرجة دى
بص نحية الصوت لقى مصدرة نفس الخيال فى البلكونة اللى جنبة
انت مش بترد عليا لية
انتى مين
هتفرق اية..قولى لية قاعد بتكلم نفسك
لا انا بكلمها
وهى سمعاك؟
مش عارف بس انا متاكد انها هترجع
علشان تجرحك تانى ....فى غيرها يتمنى ربع حبك
بس انا بحبها
حافظ على كرامتك ورجولتك واجرحها قبل ماتجرحك
اجرحها؟؟؟؟
كدة وكدة...دفاع عن نفس يعنى
وهكلم مين من بعدها
وانا رحت فين
الصبح بدرى كانت وصلت....منورة زى ماهى من جوة و من برة....مستعدة لليوم دة من زمان
فتحت باب الشقة الجديدة...قعدت على الكرسى اللى كان جيبهولها فى عيد جوازهم...كانت شيلاة من زمان علشان اليوم دة....
فجاءة شافت خيال فى البلكونة....هة دة البلونة الهيليوم اللى على شكل قلب
يا رب تعجبة والشقة كمان تعجبة......هو بيحب المفاجاءات
فتحت جرنال امبارح...نسيت تقراة من لهفتها علية
شاب فى الثلاثين من عمرة يقفز من بلكونة منزلة بدون اى اسباب واضحة وبعد التحقيق وجد انة حاول الوصول الى بلكونة الشقة المجاورة
بصت فى الصورة......كان هو
ساعات بنجرح علشان خايفين نتجرح
ونبقى فكرين ان دة اداة دفاع عن نفسنا
بس فى الحقيقة احنا بناذى نفسنا واللى بنحبهم
متفكرش كتير.....لما يجى الجرح ابقى داوية
متبوظش انهاردة علشان هواجس بكرة
ليست هناك تعليقات:
إرسال تعليق