ولو فرض ونزلت تحت برضة مش هتعرف تسمع الحوار اللى دار بين الكائنات الغير مرئية...الغير مرئية ليك انت بس..
نسمة رقيقة عدت حركت هبوشة ناحية بركة صغيرة ورفعت رقبتها فوق..وبنفس الدرجة رفعت حاجبها الشمال وقالت(سبحان اللة لة فى خلقة شئون يا اخى ...شوف انا الهبوشة ...انا اقف جنب تفة مقرفة مش باينة من الارض ..لا واية وملهاش لازمة كمان)
حاولت النبتة تتكلم بس لقيت وشها مش قادر يترفع من الكسوف فضحكت الهبوشة ضحكة تريقة وجعت النبتة .....ومن وراء جت نفخة عنيفة هزت الهبوشة وضحكة اعلى هزت قلب الهبوشة من الرعب ..بتبص وراها لقيت صوت النملة (جتك خيبة من ضحكة منى اتهزيتى اركيى يا ختى على جنب لحد ما اعدى يمكن خيالى يعورك ولا حاجة هى هى هى)
وقبل ما تاخد خطوة لقدام جة خيال كبير غطى عليها خلها تترعب من الخضة...وفى اول خطوة خدها الصرصار طارت النملة 100 خطوة قدام ودة اللى خلى الصرصار يقع على الارض من الضحك..وخلال كركرتة دى كيان مخيف جة انهى حياتة وكمل الكيان طريقة عادى....وطى ببطئ علشان يعدل جزمتة الكبيرة بس لقى فية اثر للون ابيض مقزز طلع منديل ومسح جزمتة وكمل مشى وبصوت عالى خشن قال(يلا يا زفت ات اخرتنا ...كان لازم يعنى اجيب واحد زيك رجلة مبتجبش نص خطوتى)
فجاءة الدنيا ضلمت من فوقة.....
من فوق اللون الاخضر..كان فى مشكلة كبيرة...(العطل كبير فى محركات الطيارة...هنضطر نهبط هنا الليلة).
