لما تبص فى عنيها مش هتقدر ترمش لحظة...عينيها فيها صفاء غريب زى البحر يمكن, او زى السماء اللى لو كنت حاسس انك متكتف هتقدر تطير فيها....عيون بريئة....
متعرفش ممكن تشوفها فين او امتى لانها بتتنطط فى كل مكان وفى اى وقت...بتسابق العصافير مرة ومرة تغنى معاهم ...لكن عمر مكان ليها عش زيهم ..محدش يعرفلها عش.فساتينها ملونة الوان مبهجة مفرفشة بتضحك لوحدها....
بتحب السمك جدا لانة عايش براحتة فى البحر....عمرها مافكرت تطلع سمكة من بحرها وتحتفظ بيها فى حوض ازاز...(انا اصلا مبعرفش اعيش فى حوض ازاز)
امير المدينة كان مراقبها من زمان....قلبة كان بيتنطط من الفرحة لما بيشوفها...وفى اوضتة كان فى دولاب مخصوص ليها هى و جوة الدولاب فى م>كراتة اللى مكتوبة عنها وليها...وصور كتير ليها وجنبها قلوب كتيير .....كان بيحبها اوى...
ولانة عارف انة صعب يحتفظ بيها...اشترى كل مكان هى بتحب تروحة...اشترى المدينة كلها!!
جابلها بلالين ملونة كتير وعصافير بتغنى و عبرلها عن حبة فى قلب كبير من اول الارض لحد السماء من الورد الملون واسمها جواة... برئتها شدت جرائتها ودخلت بيها القلب دة وقبلت تبقى جواة.....
بدات تكبر وعينيها مبتشوفش غيرة...حبتة اوى .....بس فى لون اسود دخل مع القلب والورد والعصافير...غمقهم
اصيبت بمرض غريب خلى بحر عنيها ينشف...وقلبها يوصلة السقعة...فستينها بقت غامقة و باهتة...الورد كمان دبل والعصافير بطلت تغنى .
الامير كان مضايق اوى ودور فى كل مكان على احسن دكتور....ولما لقاة رجع علشان يعالجها لقاها.....تمثال حجر
ليست هناك تعليقات:
إرسال تعليق