رزمة الورق و القهوة المظبوطة و مقلمة الاقلام المكسورة.......كل دة على المكتب.........والكرسى الهزاز اللى بتقلب بية افكارها من كتر الهز, كل ما تكتب قصة تكسر القلم اللى كتبت بية نصين نص فى المقلمة ونص بترمية فى البحر, ولان كل قصة ليها لون هتلاقى المقلمة مليانة الوان كتير مش متنسقة بس مدية منظر....ممكن تقول علية خريطة افكارها
دلوقتى مفيش على المكتب اقلام تانى ....فتحت كل الادراج مش لاقية اقلام ...سابت الادراج مفتوحة علشان الهوا يدخلها ويديها فرصة تتنفس....مفيش اقلام خلاص ...اخر قلم كان لون اسود ورمتة كلة فى البحر ....منغير متكسرة...مفيش غير ورق مسطر فاضى.
هزت الكرسى اوى...خلت افكرها تتخبط فى بعضها لدرجة الصداع...(حبكت الاقلام تخلص فى قصتى انا ...ما كل القصص اتكتبت ودى يعنى اللى ملهاش قلم ) الصداع هيفرتك دماغها ....فى قهوة مظبوطة...بس بردت.
الحل الوحيد انها تغمض عينيها اوى وتحط ايديها الاتنين على رقبتها وتستسلم للمياة السخنة على راسها...واللى هتعمل مفعول قوى للافكار....هتنيمها.....هيبقى مفيش غير صوت المياة جوة....وبرة رزمة الورق المسطرة,القهوة المظبوطة الباردة,مقلمة الاقلام المكسورة, الكرسى الهزاز....وشوية افكار نايمة لحد ما يجى وقتها
دلوقتى مفيش على المكتب اقلام تانى ....فتحت كل الادراج مش لاقية اقلام ...سابت الادراج مفتوحة علشان الهوا يدخلها ويديها فرصة تتنفس....مفيش اقلام خلاص ...اخر قلم كان لون اسود ورمتة كلة فى البحر ....منغير متكسرة...مفيش غير ورق مسطر فاضى.
هزت الكرسى اوى...خلت افكرها تتخبط فى بعضها لدرجة الصداع...(حبكت الاقلام تخلص فى قصتى انا ...ما كل القصص اتكتبت ودى يعنى اللى ملهاش قلم ) الصداع هيفرتك دماغها ....فى قهوة مظبوطة...بس بردت.
الحل الوحيد انها تغمض عينيها اوى وتحط ايديها الاتنين على رقبتها وتستسلم للمياة السخنة على راسها...واللى هتعمل مفعول قوى للافكار....هتنيمها.....هيبقى مفيش غير صوت المياة جوة....وبرة رزمة الورق المسطرة,القهوة المظبوطة الباردة,مقلمة الاقلام المكسورة, الكرسى الهزاز....وشوية افكار نايمة لحد ما يجى وقتها
