طفلة وحشية

صعب تلحقها بعينيك.....سريعة جدا
هى......دايما منكوشة...هدومها متربة .....وشها احمر من الدموية اللى مبتفرقش خدودها....مبيهمهاش حدود ولا مطبات...بتعدى الجبال طيران لو حبت..... وتزحف تحت السدود...مفيش حاجة بتوقفها ابدا
هى...........طفلة وحشية...شعرها المنكوش وعينيها الواسعة مديها جراءة بريئة
دخلت قلوب ناس كتير وعششت فيها...وناس كتير كتفوها وداسوا عليها علشان احلامهم.....وانتهى بيهم الوضع بتكتيفة فى مكان مضلم من غير احلام
اللى بيديها راحتها بتديلة روحها....لو زرعتها فى مكان المكان ينور بنور ملوش حدود ويطلع منها زهرة نارية بتولع قلب صاحبها بالايمان...
من غيرها مفيش حياة...لو كتفتها تموت ...اديلها عقلك تفتحهولك...اديلها قلبك تنوررهولك........اديلها نفسك...تديك جناحات